Requiem

Requiem aeternam dona eis, Domine: et lux perpetua luceat eis.

Submitted by BloodShrine — Apr 26, 2025

Kyrie eleison, Christe eleison, Kyrie eleison!

Submitted by NecroLord — Apr 26, 2025

Requiem aeternam dona eis, Domine: et lux perpetua luceat eis. In memoria aeterna erit justus ab auditione mala non timebit.

Submitted by NecroLord — Apr 26, 2025

Absolve, Domine, animas omnium fidelium defunctorum ab omni vinculo delictorum. Et gratia tua illis succurente mereantur evadere iudicium ultionis et lucis aeternae beatitudine perfrui. De profundis clamavi ad te, Domine: Domine, exaudi vocem meam. Fiant aures tuae intendentes in orationem servi tui. Si iniquitates observaveris, Domine: Domine, quis sustinebit? Quia apud te propitiatio est, et propter legem tuam sustinui te, Domine

Submitted by Dahmers Fridge — Apr 26, 2025

Dies irae, dies illa, solvet saeculum in favilla, teste David et Sibylla. Quantus tremor est futurus, quando judex est venturus, cuncta stricte discussurus!

Submitted by Infernal Flame — Apr 26, 2025

Mors stupebit et natura, cum resurget creatura judicanti responsura. Liber scriptus proferetur in quo totum continetur, unde mundus judicetur. Judex ergo cum sedebit, quidquid latet apparebit nil inultum remanebit.

Submitted by BloodShrine — Apr 26, 2025

Rex tremendae majestatis, qui salvandos salvas gratis, salva me, fons pietatis. Recordare, Jesu pie, quod sum causa tuae viae: ne me perdas illa die. Ingemisco tamquam reus: Culpa rubet vultus meus: supplicanti parce, Deus. Preces mea non sunt dignae: sed tu bonus fac benigne, ne perenni cremer igne.

Submitted by Celtic Frost — Apr 26, 2025

Confutatis maledictis flammis acribus addictis, voca me cum benedictis. Ora supplex et acclinis, cor contritum quasi cinis: gere curam mei finis.

Submitted by Nargaroth — Apr 26, 2025

Lacrymosa dies illa, qua resurget ex favilla judicandus homo reus. Huic ergo parce, Deus: pie Jesu domine, dona eis requiem, Amen.

Submitted by Warbringer — Apr 26, 2025

Domine Jesu Christe, rex gloriae, libera animas omnium fidelium defunctorum de poenis infernis et de profundo lacu: libera eos de ore leonis, ne absorbeat eas tartarus, ne cadant in obscurum: sed signifer sanctus Michael repraesentet eas in lucem sanctam, quam olim Abrahae promisisti et semini eius.

Submitted by johnmansley — Apr 26, 2025

Sanctus, sanctus, sanctus dominus Deus Sabaoth. Pleni sunt coeli et terra gloria tua. Osanna in excelsis. Benedictus qui venit in nomine domini. Osanna in excelsis.

Submitted by Finntroll — Apr 26, 2025

Lux aeterna luceat eis, Domine: cum sanctis tuis in aeternum, quia pius es.

Submitted by Cyberwaste — Apr 26, 2025

Libera me, Domine, de morte aeterna, in die ille tremenda quando coeli movendi sunt et terra, Dum veneris judicare saeculum per ignem. Tremens factus sum ego et timeo, dum discussio venerit atque ventura ira. Dies irae, dies illa, calamitatis et miseriae, dies magna et amara valde. Requiem aeternam dona eis, Domine: et lux perpetua luceat eis.

Submitted by Cyberwaste — Apr 26, 2025