Denboraren Orbainak
Esnatu!<br/> Eguzkia irteten hasi da,<br/> berarekin pertsonaia,<br/> zerbait haundia hastear,<br/> barrutik kanpora zoaz.<br/> <br/> Gogorarazten dizute<br/> markatutako data hau<br/> nonbait ezberdina dela,<br/> urte osoko egun berezia.<br/> <br/> Irribarre bat,<br/> (Zuk, zuk txoriak)<br/> irri-triste bat.<br/> (Zuk buruan)<br/> <br/> Azaleko sentimenduak<br/> kanpotik barrura itota.<br/> <br/> Gogorarazten dizute<br/> markatutako data hau<br/> nonbait ezberdina dela,<br/> urte osoko egun berezia.<br/> <br/> Irribarreak,<br/> (Zuk, zuk txoriak)<br/> irri tristeak.<br/> (Zuk, zuk buruan)<br/> <br/> Hego haizeak<br/> bultzaka<br/> gertu ekarri dizkizu hegazka.<br/> <br/> Hegan batera<br/> bueltaka,<br/> buru gainean biraka,<br/> <br/> txori txarrak hemen dira!<br/> Zoritxarrak , txori zaharrak, txori txarrak!<br/> <br/> Txori onak ala txarrak (orakuluak)?<br/> <br/> Ego haizeak<br/> bultzaka<br/> berriz ekarri dizkizu hegazka.<br/> <br/> Hegan iluna<br/> bueltaka,<br/> buru barruan biraka<br/> <br/> txori txarrak,<br/> zure ego haizeak<br/> txori txarrak!
Submitted by Iron_Wraith — Jun 05, 2026
Belaunak urratuta, mugi ezinda,<br/> amets gaizto errealen zurrunbiloan,<br/> zingira ilunenean harrapatuta,<br/> erruaren pisuaz galtzera kondenatua.<br/> Bidegurutze honetan zenbat aukera:<br/> zuloan sakontzea, zutik jartzea.<br/> <br/> Etenik gabe<br/> denbora ihes,<br/> tempus fugit,<br/> denborarik ez,<br/> memento mori.<br/> <br/> Buru barruko ahotsen oihartzun gorra,<br/> zelatan dabiltzan sega hotsen zigorra,<br/> erraietako jankide ase gabea,<br/> amaigabeko negarrak, atsekabea.<br/> Bidegurutze honetan zenbat aukera:<br/> zuloan sakontzea, zutik jartzea.<br/> <br/> Etenik gabe<br/> denbora ihes,<br/> tempus fugit,<br/> denborarik ez,<br/> memento mori.
Submitted by Iron_Wraith — Jun 05, 2026
Mikroa eskuetan,<br/> amorrua eztarrian.<br/> Airera botatzen diren leloak,<br/> ekintzek bultza ezean, gorrak.<br/> <br/> Hemen, orain,<br/> langileriak darrai,<br/> eman barik amore,<br/> atzokoen oinorde.<br/> Eutsi! Eutsi! Eutsi hor,<br/> borrokan tinko!<br/> Atzera pausorik ez,<br/> erronkak heltzeko beti prest.<br/> <br/> Efemeride,<br/> gertakarien oroimen,<br/> emandako denagatik ohore,<br/> duintasun irmoaren adibide.<br/> <br/> Hemen..<br/> Eutsi! Eutsi! Eutsi hor,<br/> borrokan tinko!<br/> Atzera pausorik ez,<br/> erronkak heltzeko beti prest,<br/> teknofaxismoaren<br/> harrapakina izan gabe.<br/> <br/> Bidearen amaiera<br/> gertu sentitzen duzula,<br/> arrazoiak soberan daude ta,<br/> kamarada esnatu!<br/> <br/> Hemen…<br/> Eutsi! Eutsi! Eutsi hor,<br/> borrokan tinko!<br/> Atzera pausorik ez,<br/> erronkak heltzeko beti prest,<br/> teknofaxismoaren<br/> harrapakina izan gabe.<br/> Erroak sendo daude,<br/> etorkizunaren zutabe.
Submitted by Iron_Wraith — Jun 05, 2026
Bide luzeena beti<br/> motzen,<br/> erori ondoren ikasiz<br/> altxatzen.<br/> <br/> Minez, arantzak<br/> iltzatuz, oroitzen.<br/> Odol tantez lorratza, itzulera, markatzen.<br/> Lanbro itsuan barnean haztatzen.<br/> Bihotz bat hautsi bada zatitan banatzen.<br/> <br/> Argi bat amaieran,<br/> agian urrun,<br/> esperantzarik ez du.<br/> <br/> Maite duzunaren dolua<br/> joan zaizunean,<br/> eraikitako ametsa<br/> berriz eraistea,<br/> ezberdin etorri zena<br/> geratu denean,<br/> Ikasitako guztia<br/> ahazten doanean.<br/> <br/> Argi bat amaieran,<br/> agian urrun,<br/> esperantzari estu.<br/> <br/> Heroi direnak ondo dakite<br/> barneko indarraz mugak gainditzen,<br/> lurrean hegan beldurrik gabe,<br/> mugarik gabe.
Submitted by Iron_Wraith — Jun 05, 2026
Apokalipsia!<br/> <br/> Zu, ardi galdua,<br/> itsu, bekatari.<br/> Ni, zure artzaina,<br/> basamortuan babes eta gidari.<br/> <br/> Zuri deika,<br/> zure zai,<br/> zure bila,<br/> etengabe.<br/> <br/> Beldurren mamua,<br/> dogma, dogma.<br/> Pozoien amua,<br/> dogma, dogma.<br/> <br/> Nonahi<br/> isuritako odoletan blai<br/> ustelkeria fede.<br/> Egia bakarra profetaren esana,<br/> madarikazioa<br/> liturgian emana.<br/> <br/> Engainu eta gezurrak<br/> inozentzia lapurrak,<br/> zuen ordua helduko da,<br/> ordainduko duzuen eguna:<br/> Golgota,<br/> amen.
Submitted by Iron_Wraith — Jun 05, 2026
Instrumental
Submitted by Iron_Wraith — Jun 05, 2026
Itotzen nauen korda,<br/> paper idatzien zama, hilkor,<br/> zanpatzaile jasangaitza.<br/> <br/> Gainera etortzen den gela,<br/> txikitzen diren ate, leiho<br/> salbatzaile eskuragaitzak.<br/> <br/> Orri zuria aurrean<br/> beltza zena utziaz atzean.<br/> Orbainekin marraztuz<br/> suaren arnasbideak,<br/> oinazea suntsitu garretan.<br/> <br/> Erre!<br/> <br/> Adorea eta kemena,<br/> gai izateko ahalmena,<br/> galtzear den itxaropena,<br/> iluntasun honetan bilatu dudana,<br/> itsu utzi nauena.<br/> <br/> Besarkada baten indarra,<br/> estu hartzen duen bularra,<br/> behar dudan gauza bakarra<br/> berotasun honetan aurkitu dudana,<br/> nire bidelaguna.<br/> <br/> Orbainekin marraztuta<br/> bueltarik gabeko bidea,<br/> oinazea itota garretan.
Submitted by Iron_Wraith — Jun 05, 2026
Bizitza betirako<br/> zuala heure artian,<br/> xakena xak!<br/> Ondo gobernauta,<br/> samaraino hazita,<br/> onena eskeinita.<br/> Gaur berriz arrotz gauzia,<br/> nerbixuak airian,<br/> barriak, begixak heuri begira.<br/> <br/> Txarribodan<br/> negu hotzen sikuan.<br/> Txarribodan<br/> elkartze ezkutua.<br/> <br/> Trapu baten batuta<br/> zorroztutako altzairua<br/> laister gertu xak.<br/> Odol egarriz xauken<br/> eltzian xoian eskua<br/> dantzan hasi guran.<br/> Azken auzia aurrian,<br/> bakardadia atzian.<br/> Gantxua, bankua, estu sartuta<br/> samina barrenian.<br/> Txarribodan<br/> euste, bultzen zirkua.<br/> Txarribodan<br/> banatze odoltsua.<br/> Ezinak, diarrak, ailegau xak<br/> izatiaren ordaina.<br/> <br/> Hi, odolbero,<br/> odolusten,<br/> odol barik, hil.<br/> <br/> Iri arte ihartua<br/> sugarretan balztuta,<br/> azala urratuz kenduta,<br/> erre usainak ketuta.<br/> Zatitu, txikitu, madarikatu<br/> behin hartuta mendekua.<br/> <br/> Txarribodan<br/> pareten sekretua.<br/> Txarribodan<br/> odol bainu eguna.<br/> Han goixan, haritan esegita,<br/> zenbat hanka…zer,<br/> zein jausi zuan.
Submitted by Iron_Wraith — Jun 05, 2026
Zeuri jarri naiz idazten<br/> beltzak irentsiz zuria,<br/> negar tanta baten islan<br/> bistan zauria.<br/> <br/> Zeuri ozen irakurtzen,<br/> ziur entzungo ez duzun arren,<br/> alperrik dela pentsatzen,<br/> amets gaiztoen saminak ixten,<br/> lehena begira…<br/> Historia ber-ikusten,<br/> istorioa bir-sortzen.<br/> <br/> Bat izan ginenean,<br/> bi norabide bakarrean,<br/> zaila erreza eginez,<br/> ilusio antzu berriez<br/> gerora begira…<br/> Urrundu ginen arte,<br/> ilundu arte.<br/> <br/> Kilometroak<br/> bitartean,<br/> lurra bion lotura,<br/> erraietan.<br/> <br/> Begi beltzen sua<br/> argitsua,<br/> zuria soinean.<br/> Oliba azala,<br/> bihotz gorria,<br/> zu nire gogoan.<br/> <br/> Azken laztana<br/> galdua, ostua,<br/> zu Palestina.<br/> Mugak harresiak,<br/> nonahi izua, suntsidura,<br/> zu Palestina.<br/> Mundu guztiaren aurrean<br/> eskutik utzia,<br/> zu Palestina.<br/> Zoru zuriaren planetan<br/> odol husten zauria,<br/> zu Palestina.<br/> Zeuri!
Submitted by Iron_Wraith — Jun 05, 2026
Askeak behin sinistuz,<br/> handik ona mugituz,<br/> ikusten ez diren mugetan.<br/> <br/> Gabezia sentitu,<br/> oldarkor agertu,<br/> eskatzea zaila behar denean.<br/> <br/> Saretuta bizi,<br/> bakardadea nagusi,<br/> eltxoak amaraunean,<br/> <br/> zilarrezko kaiolan.<br/> <br/> Babestuak sinistuz,<br/> ondokoa zapalduz,<br/> distira itsuen mugetan.<br/> <br/> Uhinetan hazi,<br/> neurri gabe irentsi,<br/> molde bakarrak hezi.<br/> <br/> Arauen atzetik<br/> kritika doa hilik,<br/> nekez gurpilean biraka,<br/> <br/> zilarrezko kaiolan.<br/> <br/> Aurpegirik<br/> ez duen jabearen<br/> makina itxian<br/> engranajeak.<br/> <br/> Errukirik<br/> ez duen sistemaren<br/> egituretan<br/> ondo jarrita,<br/> harrapatuta.<br/> <br/> Gero, nork<br/> ikasi zuen<br/> ihes egiten,<br/> tarteak<br/> bereizten,<br/> (berriz) libre izaten?<br/> <br/> Norberari entzuten,<br/> aske hiltzen?<br/> <br/> Zilarrezko kaiolan.
Submitted by Iron_Wraith — Jun 05, 2026